ചിറ്റാട്ടുകര: ചിറ്റാട്ടുകര തെക്കുംമുറി മരണാനന്തര സഹായ സഹകരണ ഫണ്ട് നാല്പതാം വാർഷികാഘോഷം സംഘടിപ്പിച്ചു. പ്രോഗ്രാം കമ്മിറ്റി ചെയർമാൻ ഷാജി കാക്കശ്ശേരി അധ്യക്ഷത വഹിച്ച ചടങ്ങിൽ പ്രശസ്ത കവിയും പ്രഭാഷകനുമായ രാധാകൃഷ്ണൻ കാക്കശ്ശേരി ഉദ്ഘാടനം ചെയ്തു. കവിയും പ്രഭാഷകനുമായ പ്രസാദ് കാക്കശ്ശേരി സ്മരണിക പ്രകാശനം ചെയ്തു. സംഘടനയുടെ ആദ്യകാല ഭാരവാഹികളെ ആദരിച്ചു, ചടങ്ങിൽ കുട്ടികളുടെ കലാപരിപാടികൾ ഉണ്ടായിരുന്നു.
സംഘാടക സമിതി കൺവീനർ പ്രമോദ് കെ എസ്, ഭാരവാഹികളായ സജു ടി എസ്, ഷീനാ മുരളി, അഖിൽ പി കെ, അഖില അനീഷ്, സനിത രാജേഷ്, സിന്ധു അജയ്ഘോഷ്,ഗോപി സി എ , ഭരതൻ പി വി, ദാസൻ കെ കെ, മോഹനൻ എ എസ് തുടങ്ങിയവർ സംസാരിച്ചു.