പീച്ചി മലയോര ഹൈവേയിൽ കണ്ണാറ കയറ്റം കഴിഞ്ഞ് ഒരപ്പൻപാറ എത്തുന്നതിനു മുൻപായി കാറും ഓട്ടോറിക്ഷയും കൂട്ടിയിടിച്ച് അപകടം. പീച്ചി ഭാഗത്ത് നിന്നും വരുകയായിരുന്ന കാറും പട്ടിക്കാട് ഭാഗത്തുനിന്നും പീച്ചിലേക്ക് വരികയായിരുന്ന ഓട്ടോറിക്ഷയും തമ്മിൽ കൂട്ടിയിടിച്ചാണ് അപകടം. അപകടത്തിൽ ഓട്ടോറിക്ഷ ഡ്രൈവർക്ക് സാരമായി പരിക്കേറ്റിട്ടുണ്ട്. കാർ ഡ്രൈവറുടെ പരിക്ക് ഗുരുതരമല്ല. രണ്ടുപേരെയും ആംബുലൻസിൽ തൃശ്ശൂരിലെ ആശുപത്രിയിലേക്ക് കൊണ്ടുപോയി. പീച്ചി പോലീസ് സ്ഥലത്തെത്തി മേൽ നടപടികൾ സ്വീകരിച്ചു.