സംസ്ഥാനത്ത് ഇനി പഞ്ചനക്ഷത്ര കള്ള് ഷാപ്പുകൾ

ഫോർ സ്റ്റാർ, ഫൈവ് സ്റ്റാർ പദവികളാണ് കള്ള് ഷാപ്പുകൾക്ക് നൽകുക
തിരുവനന്തപുരം: സംസ്ഥാനത്ത് പഞ്ചനക്ഷത്ര കള്ള് ഷാപ്പുകൾക്ക് ടോഡി ബോർഡ് താൽപര്യപത്രം ക്ഷണിച്ചു. ഷാപ്പും റസ്റ്ററന്റും വെവ്വേറെയാകും പ്രവർത്തിക്കുക. സർക്കാർ ടൂറിസം മേഖലകളായി വിജ്ഞാപനം ചെയ്ത മേഖലകളിലാവും പദ്ധതി നടപ്പാക്കുക.
ഫോർ സ്റ്റാർ, ഫൈവ് സ്റ്റാർ പദവികളാണ് കള്ള് ഷാപ്പുകൾക്ക് നൽകാനായി ടോഡി ബോർഡ് ഉദ്ദേശിക്കുന്നത്. കഴിഞ്ഞ മദ്യ നയത്തിന്റെ അടിസ്ഥാനത്തിലാണ് ഇപ്പോൾ വിജ്ഞാപനം ഇറക്കിയിരിക്കുന്നത്. വിജ്ഞാപനത്തിൽ ഇരിപ്പിടം ഉൾപ്പടെയുള്ള നിബന്ധനകൾ പറയുന്നുണ്ട്. വിദേശികളെയും സ്വദേശികളെയും ആകർഷിക്കുന്ന തരത്തിലുള്ള ഭക്ഷണമുണ്ടാകണം. നിലവിൽ കള്ള് ഷാപ്പുകൾ നടത്തുന്നവർക്കാകും മുൻഗണന.